नवी दिल्ली : सोने व चांदीच्या दरात सातत्याने वाढ सुरूच असून, गेल्या दोन महिन्यांत सोने तब्बल दहा हजार रुपयांनी वधारले आहे, तर चांदी लाखापार गेली आहे. सोने व चांदीचे सार्वकालिक उच्चांकी दर गुरुवारी, १३ मार्च रोजी नोंदवण्यात आले.
गेल्या वर्षी केंद्र सरकारने सोन्याच्या आयातशुल्कात घट केल्यानंतर सोने दर घटून ७५ हजारांवरून ७० हजार रुपये प्रतितोळ्यावर आले होते. मात्र, अल्पावधीतच ते पूर्वस्थितीला आले. काही दिवसांपासून आंतरराष्ट्रीय घडामोडी, सणवार, लग्नसराई या कारणांमुळे सोने दरात वाढ होत आहे. डोनाल्ड ट्रम्प यांनी अमेरिकेच्या राष्ट्राध्यक्षपदाची शपथ घेतल्यानंतर सोन्यात अधिक तेजी दिसून आली. आर्थिक क्षेत्रातील अनिश्चितता वाढल्याने लोक सोन्यातील पारंपरिक गुंतवणुकीला प्राधान्य देत आहेत. त्यामुळे मागणी वाढून सोने वधारत असल्याचे अभ्यासकांचे म्हणणे आहे.
गेल्या ८ जानेवारी रोजी २४ कॅरेट सोने ७९ हजार ९७० रुपये प्रतितोळा, २२ कॅरेट सोने ७३ हजार ५८० रुपये प्रतितोळा, तर चांदी ९१ हजार ६७० रुपये असे दर होते. गुरुवारी (दि. १३ मार्च) २४ कॅरेट सोने ८९ हजार ५०० रुपये, २२ कॅरेट सोने ८२ हजार ४०० रुपये प्रतितोळा, तर चांदी १ लाख १,९७० रुपयांवर पोहोचली.
सोन्यातील गुंतवणूक सुरक्षित असल्याचे समोर आल्याने दर वाडूनही कायम कायम आहे. ऑटोमोबाइल क्षेत्रात चांदीचा वापर वाढल्याने तिचेही दर वाढत आहेत, असं सराफ असोसिएशनचे अध्यक्ष, गिरीश नवसे यांनी सांगितलं.
सोन्याच्या दराने गाठला सर्वकालीन उच्चांक
जागतिक बाजारातील अनिश्चितता, अमेरिकेचे अध्यक्ष डोनाल्ड ट्रम्प यांचे कर धोरण, यामुळे सुरक्षित गुंतवणुकीचा पर्याय म्हणून सोन्यात गुंतवणूक वाढत आहे. यामुळे सोन्याचे दर गगनाला भिडले आहेत. गुरुवारी सोन्याच्या दराने सर्वकालीन उच्चांक गाठला. दहा ग्रॅम २४ कॅरेट सोन्याचा दर ८६,८७५ रुपयांवर पोहोचला आहे.
चांदीचे दर गुरुवारी पाच महिन्यांच्या उच्चांकावर पोहोचले. दरात एक हजार रुपयांनी वाढ होत गुरुवारी चांदीचे दर १ लाख १ हजार २०० रुपयांवर पोहोचले.
Post a Comment