मुंबई- ९० च्या दशकातील मुलांची क्रश म्हणून ओळखली जाणारी सेलेना गोमेझ नेहमीच वेगवेगळ्या कारणांमुळे चर्चेत असते. केवळ ९० च्या दशकातीलच नाही तर आताच्या मुलांमध्ये सुद्धा तिची क्रेझ खूप आहे. तिची फॅन फॉलोविंग जगाच्या कानाकोपऱ्यात आहे. अशातच सेलेनाने चाहत्यांना एक आनंदाची बातमी दिली आहे.
प्रसिद्ध गायिका सेलेना गोमेझ नव्या आयुष्याला सुरुवात करणार आहे. तिने आपल्या लग्नाची घोषणा केली आहे. तिचा बॉयफ्रेंड बेनी ब्लँको तिला एंगेजमेंट रिंग घातली त्यामुळे सेलेना खूप खुष झाल्याचे फोटोवरुन दिसते. गायिकेने सोशल मीडियावर अनेक फोटो शेअर केले आहेत आणि कॅप्शनमध्ये लिहिले आहे – Forever starts now.
सेलेना गोमेझ आणि बेनी ब्लँको एका वर्षाहून अधिक काळ एकमेकांना डेट करत आहेत. आता ते त्यांच्या नात्याला नाव देणार आहेत. दोघांनी १२ डिसेंबर २०२४ रोजी त्यांच्या साखरपुड्याची घोषणा केली होती. सेलेनाने इंस्टाग्रामवर आफली एंगेजमेंट रिंग दाखवणारी एक पोस्ट शेअर केली आहे.
सेलेना गोमेझ आणि बेनी ब्लँको यांच्या अफेअरची २०२३ मध्ये खूप चर्चा झाली होती. दोघे अनेकदा एकत्र दिसले. त्यांचे फोटो खूप व्हायरल झाले. या फोटोंवर त्यांच्या चाहत्यांनीही खूप प्रेमाचा वर्षाव केला होता. सेलेना ३२ वर्षांची आहे आणि बेनी ब्लँको तिच्यापेक्षा चार वर्षांनी मोठा आहे. तो ३६ वर्षांचा आहे.
सेलेनाने पोस्ट शेअर करताच तिच्यावर अभिनंदनाचा वर्षाव झाला. सेलेनाची मैत्रिण टेलर स्विफ्टने सुद्धा त्या फोटोवर लिहिले की, ती लग्नात वधूसोबत फ्लॉवर गर्ल असेल. जेनिफर ॲनिस्टनपासून ते कार्डी बीपर्यंत अनेक दिग्गज हॉलिवूड सेलिब्रेटींनी तिला भावी आयुष्यासाठी शुभेच्छा दिल्या आहेत.
Post a Comment